föstudagur, janúar 31, 2003

æææ hvað ég er þreytt í dag, gott að það er að koma helgi. Lenti á kjaftatörn seint í gærkvöldi við Pésa litla. Fyndið samtal, byrjaði þannig að ég tjáði skoðun mína á hans málum umbúðalaust og endaði þannig að hann tjáði skoðun sína á 'geðsjúklingunum sem mótmæla Kárahnjúkavirkjun' umbúðalaust. Þá fór ég að sofa :-) Uppgötvaði áðan að það er fínasta nuddtæki á sturtuhausnum okkar. Og áður en þið farið að flissa perralega tek ég það fram að ég notaði það á harðsperrurnar á milli herðablaðanna. Alveg ágætis nudd svo ég sé fram á að þrauka þar til nuddarinn minn kemur heim úr útlegðinni... Ég er eitthvað svo mikið að hlusta á Eminem þessa dagana því Eva er búin að vera að downloada lögin hans í hrönnum. Held samt að ég sé að breytast í kvenfyrirlítandi karlrembu hægt og sígandi. ...I do know one thing though, bitches they come they go... Þetta getur ekki verið hollt. Held ég verði að smella smá 'Ég á mig sjálf' á fóninn til að vega upp á móti þessum heilaþvotti. Frá og með núna og þar til á þriðjudaginn verður allt sem ég skrifa á þýsku. Consider yourself warned.