þriðjudagur, maí 03, 2005

Fór í fitumælingu ekki alls fyrir löngu. Allt í lagi með það, ég ætla ekkert að fara að tjá mig neitt sérstaklega um útkomu þeirrar mælingar hér. Hins vegar skil ég ekki hvernig í andsk. þessi græja virkar! Maður slær inn í töfravélina hvað maður er þungur, hár og gamall og heldur svo um einhver handföng í nokkrar sekúndur og voilá! Út kemur fituprósentan. Þegar ég spyr þjálfarana hvernig þetta virkar segja þær alltaf eitthvað um rafleiðni og bladibla en enginn virðist vita hvernig þetta fúnkerar í alvöru. Ef einhver veit svarið vil ég endilega fá að heyra það!