þriðjudagur, desember 17, 2002

Þá er stressið búið. Ég búin að syngja á tónleikum, mamma búin að eiga afmæli, ég búin að syngja þar og vera veislustjóri. Og þetta gekk allt saman alveg hreint glimrandi vel. Mér tókst bara nokkuð vel að syngja þrátt fyrir allt og það var mjög gaman að syngja fyrir alla ættingjana sem fengu nú loksins að sjá um hvað þetta snýst ;-) Mamma var alveg drottning dagsins í fína kjólnum sínum og hún fékk fullt af gjöfum og ræðum og knúsum svo hún er sannarlega sátt við daginn. Sem er einmitt mjög gott af því maður verður nú ekki svo oft fimmtugur. Smá þreyta í gangi í dag þar sem við fórum ekkert mjög snemma að sofa mæðgurnar, komum heim um 1 og áttum þá eftir að mixa helling áður en við gátum farið í rúmið. En sem sagt góður dagur í alla staði :-)