Aðeins of þreytt en löglegt er fyrir þriðjudag en verð að blogga smá... Aðallega til að sanna atferlisfræðilega kenningar um að nú, þegar dyggir lesendur munu fá óvæntan þriðjudagspóst -en ekki bara sunnudagspóst- muni þeir koma hingað mun oftar til að athuga hvort ég hafi nokkuð aftur bloggað svona óvænt! Svona eru nú styrkingarkerfin skemmtileg. Og það eru kommentakerfin líka. Hm. Hm.
Ég var nú næstum búin að missa mitt vel pússaða kúl í strætó á leiðinni heim úr vinnunni í dag. 6 manneskur, já sex manneskjur, tóku 2 sæti hver! Hvað er að frétta? Og við vorum 5 sem stóðum á meðan. Finnst ykkur þetta hægt?
Ég vil benda á fjórar gildar ástæður fyrir svona hegðun: Ef manneskjan sem stendur er Jón Róni í ham að úthúða fólki hægri vinstri þá skil ég að fólk sé ekkert æst í að bjóða sætið sér við hlið. En ekkert okkar sem stóð í sexunni í dag var áberandi ölvað/líklegt til vandræða/illa lyktandi osv. ÓGILT Í ÞETTA SINN. Önnur lögboðna afsökunin er að vera unglingur. Unglingar eru nefnilega erfðafræðilega hannaðir til að vera sífellt að testa mörk og láta fyrir sér finna í samfélaginu (vera háværir, sparka í sætið fyrir framan osv). 2 af umræddum lausum sætum voru við hlið unglinga og þeir mega svosem alveg njóta þeirra greyin, pant ekki þurfa að ganga í gegnum gelgjuna aftur! ÓGILT FYRIR 4 SÆTI. Þriðja afsökunin er að vera svo feitur/stórbeinóttur/með staf eða önnur hjálpartæki, að maður kemst barasta ekki fyrir í einu sæti. Ég hef ákveðna samúð með því og einu konunni sem svo var statt fyrir í vagni dagsins. ÓGILT FYRIR 3 SÆTI. Í síðasta lagi má taka 2 sæti í strætó ef maður er ekki meðvitaður um strætósiðareglur af einhverjum orsökum, eða sá kannski einfaldlega ekki að vagninn er byggður upp af litlum sætapörum, ekki breiðum hægindastólum... Í þeim hópi væri kannski áðurnefndur Jón Róni, Klakinn minn o.fl. en þeir voru ekki í strætó í dag. ÓGILT Í ÞETTA SINN.
Eins og sjá má hef ég verið einstaklega umburðarlynd og víðsýn í úttekt minni og reynt að gera ráð fyrir hverjum þeim aðstæðum sem fólk er í, sem hamlað geta eðlilegu og kurteisu samlífi farþega. En niðurstaða mín hér í kvöld er því miður sú sama og hún var í dag þegar ég var að hugsa um að hlamma mér við hliðina á fólkinu sem fínu töskurnar sem þurfa sérsæti, hvort sem því líkaði betur eða verr: Það eru 3 dónar í þessum vagni!! DÓNAR!!! Og svo finnst mér að allir hinir í fullum vagninum hefðu átt að benda á þau og hía á þau: Kunnið ekki að vera í strætó, kunnið ekki að vera í strætó...
Ég var nú næstum búin að missa mitt vel pússaða kúl í strætó á leiðinni heim úr vinnunni í dag. 6 manneskur, já sex manneskjur, tóku 2 sæti hver! Hvað er að frétta? Og við vorum 5 sem stóðum á meðan. Finnst ykkur þetta hægt?
Ég vil benda á fjórar gildar ástæður fyrir svona hegðun: Ef manneskjan sem stendur er Jón Róni í ham að úthúða fólki hægri vinstri þá skil ég að fólk sé ekkert æst í að bjóða sætið sér við hlið. En ekkert okkar sem stóð í sexunni í dag var áberandi ölvað/líklegt til vandræða/illa lyktandi osv. ÓGILT Í ÞETTA SINN. Önnur lögboðna afsökunin er að vera unglingur. Unglingar eru nefnilega erfðafræðilega hannaðir til að vera sífellt að testa mörk og láta fyrir sér finna í samfélaginu (vera háværir, sparka í sætið fyrir framan osv). 2 af umræddum lausum sætum voru við hlið unglinga og þeir mega svosem alveg njóta þeirra greyin, pant ekki þurfa að ganga í gegnum gelgjuna aftur! ÓGILT FYRIR 4 SÆTI. Þriðja afsökunin er að vera svo feitur/stórbeinóttur/með staf eða önnur hjálpartæki, að maður kemst barasta ekki fyrir í einu sæti. Ég hef ákveðna samúð með því og einu konunni sem svo var statt fyrir í vagni dagsins. ÓGILT FYRIR 3 SÆTI. Í síðasta lagi má taka 2 sæti í strætó ef maður er ekki meðvitaður um strætósiðareglur af einhverjum orsökum, eða sá kannski einfaldlega ekki að vagninn er byggður upp af litlum sætapörum, ekki breiðum hægindastólum... Í þeim hópi væri kannski áðurnefndur Jón Róni, Klakinn minn o.fl. en þeir voru ekki í strætó í dag. ÓGILT Í ÞETTA SINN.
Eins og sjá má hef ég verið einstaklega umburðarlynd og víðsýn í úttekt minni og reynt að gera ráð fyrir hverjum þeim aðstæðum sem fólk er í, sem hamlað geta eðlilegu og kurteisu samlífi farþega. En niðurstaða mín hér í kvöld er því miður sú sama og hún var í dag þegar ég var að hugsa um að hlamma mér við hliðina á fólkinu sem fínu töskurnar sem þurfa sérsæti, hvort sem því líkaði betur eða verr: Það eru 3 dónar í þessum vagni!! DÓNAR!!! Og svo finnst mér að allir hinir í fullum vagninum hefðu átt að benda á þau og hía á þau: Kunnið ekki að vera í strætó, kunnið ekki að vera í strætó...
